مكونات عمل فته الجمبرى

• جمبرى ربع كيلو
• بصله
• لورا بودر
• توم مفروم
• فلفلل رومى او حار
• عيش للفته # الشوربه
• صوص الطامطم

خطوات عمل فته الجمبرى

1. اولا الشوربه
   حبه زيت وشوحت فيهم الجمبرى بالقشر عشان اخد النكهه كلها منه وحطيت حبهان ولورا وفص مستكه وبابريكا وكمون والمياه السخنه وسبتهم ربع ساعه ع النار
2. ثانيا الارز
   عملته بطرقتنا المعروفه بس بدل المياه شوربه جمبرى
3. ثالثا الصلصه
   شوحت تومه ونزلت عليها بنقطة خل ثم عصير الطماطم وسبتها تتسبك شويه صغيرين
4. رابعا الجمبرى
   في طاسه ع النار شوحت الجمبرى ف معلقه زبده وتوم مفروم وملح وكمون
5. خامسا العيش وانا بعمله دايما بالطريقه دى بيبقى توحفه
   اقطع العيش بالمقص وارش عليها حبه زيت وحبهان وبابريكا وتوم وبصل بودر وملح وفلفل ابيض واقلبهم على بعض وادخلهم الفرن يتحمصوا بيبقى اروع من العيش الناشف ةيتاكل لوحده من غير فته اصلا
6. سادسا طشه الخل والتوم
   شوحت توم مفروم واول ماصفر نزلت عليه بالخل وسبته غلى غلوه واحده